Associated Press: Çin hökuməti 10 mindən çox Uyğur türkünü həbs edib

GADTB-nin Mətbuat Mərkəzinə daxil olan məlumata görə, Çin Şərqi Türküstanda on mindən çox uyğur türkünü həbs edib.

Bu barədə “Associated Press” xəbər ajansı məlumat yayıb.

Məlumatda bildirilir ki, Şərqi Türküstanın cənubunda yerləşən Kunaşehr (Köhnə şəhər) bölgəsində yaşayan 10 mindən çox Uyğur türkü Çin hökuməti tərəfindən “terrorçuluq”, “dini radikallıq”, “iğtişaşlar və qarşıdurma yaratmaq” kimi saxta ittihamlarla 2 ildən 25 ilə qədər həbs cəzasına məhkum edilib.

Məlumatda o da qeyd olunub ki, sözügedən bölgənin sakinlərindən hər 25 nəfərdən biri Çin rejimi tərəfindən həbsə atılaraq işgəncələrə məruz qalır.