گادتب: ایرقچی فارس رئژیم طرفیندن ممالک محروسه و گونئی آذربایجانین چئوریلیشله غصب و ایشغال ائدیلمه سیندن سونرا آذربایجان تورک میللتی گونئی آذربایجاندا دفعهلرله اؤز ایستیقلالینی برپا ائتمک اوچون بؤیوک حرکاتلارا باشلامیشدیر. همین حرکاتلاردان ان بؤیوگونون اساسی دا صرف 12 شهریور مراجعتی ایله قویولموشدور.
گونئی آذربایجاندا آذربایجان میللی حکومتینین قورولماسی ایستیقامتینده 1945-جی ایلده سید جعفر پیشه ورینین باشچیلیغی ایله آذربایجان دئموکرات فیرقهسی یارادیلدی. آذربایجان دئموکرات فیرقهسی نین باشچیلیغی ایله 1945-جی ایل شهریور آیینین 12-ده (3 سئنتیابردا) 12 شهریور مراجعتی یاییلماقلا همین دؤورون اجتماعی-سیاسی شرایطینه اویغون اولاراق ایشغال و ظلمه معروض قالمیش آذربایجان تورک میللتینین معاصر دؤورده دؤولتچیلیگینی برپا ائتمک قارشییا مقصد قویولدو.
گونئی آذربایجاندا آذربایجان دئموکرات فیرقهسینین یارانماسی و 12 شهریور مراجعتی ایله آذربایجان میللی حکومتی قورولدو. لاکین تاریخی شرایطین ده ییشمهسی و شرق- غرب بلوکلارینین سوودالاشماسی، ائله جه ده فارس شووینیزمینه یاردیم ائتمهلری نتیجهسینده یئنی جه یارادیلان آذربایجان میللی حکومتی جدی هجوما معروض قالدی. گونئی آذربایجان ایرانین ایرقچی فارس رئژیمی طرفیندن ایشغال ائدیلدی. ایرقچی فارسلار گونئی آذربایجاندا تورک میللتینه قارشی دهشتلی سویقیریم تؤرتسهلر ده آذربایجان تورک میللتینین ایرادهسینی سیندیرا بیلمه میشلر و بو گون آذربایجان میللی حرکاتی داها گوجلو و گئنیش شکیلده آذربایجان تورک میللتینین موستقیللیگی و آزادلیغی اوغروندا چالیشماقدادیر.
گونئی آذربایجان دئموکراتیک تورک بیرلیگی (گادتب) 12 شهریور مراجعتینی همین دؤورده دونیا و رئگیونون اجتماعی-سیاسی شرایطینه اویغون اولاراق ایشغال و ظلمه معروض قالمیش آذربایجان تورک میللتینین معاصر دؤورده دؤولتچیلیگینی برپا ائتمه یی قارشییا مقصد قویدوغونو بیلدیرهرک، بو گون ایسه میللتیمیزین طلبلرینین داها دا تکمیللشهرک دؤورون طلبلرینه اویغون صیرف گونئی آزربایجانین موستقیللیگی اولدوغونو بیلدیریر. گادتب بو ایستیقامتده آذربایجان تورک میللتینی گونئی آذربایجاندا دؤولتچیلیگیمیزی برپا ائتمک اوچون بیرلیک و همرأیلییه چاغیریر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی