Molla rejimi Urmiya gölünə ayrılan milyonlarla pulu yeyib

GADTB-nin Mətbuat Mərkəzinə daxil olan məlumata görə, aktyor Rza Kianian molla rejimin Urmiya gölünə ayrılan pulları yediyini ifşa edib. O, Urmiya gölünü xilas etmək üçün BMT tərəfindən ayrılan milyonlarla pullar haqda söz açıb:

“Biz Urmiya Gölüyük” başlığı ilə kampaniya başlatdıq. Kampaniya bir milyon imza yığmalı idi və biz buna nail olduq. Bir milyon səkkiz yüz min imza topladıq və Birləşmiş Millətlər Təşkilatına çatdırdıq.

Birləşmiş Millətlər Təşkilatı Urmiya gölünü xilas etmək üçün 2011-ci ildə 135 milyon, daha sonra, 2016-cı ildə İrana Yaponiya vasitəsilə 3 milyon 683 min 800 dollar həcmində vəsait ayırmışdır. Lakin o pulların hara getdiyi, nəyə xərcləndiyi haqda suallara cavab tapa bilmirəm. Urmiya gölü hələ də qurumağa davam edir”.

Qeyd edək ki, 2016-cı ildə İran və Yaponiya 4 illik proqram çərçivəsində Urmiya gölünün yenidən bərpası üçün işlər görməli idilər.