Molla rejimi azərbaycanlı milli fəalları həbs etdi

GADTB-nin Mətbuat Mərkəzinə daxil olan məlumata görə, irqçi fars-molla rejimin ETTELAAT qüvvələri Güney Azərbaycanda tanınmış fəallardan olan Əli Babai və Davud Şirini dünən həbs edərək naməlum yerə aparıblar.

Əslən Qoşaçaydan olan azərbaycanlı fəal Əli Babainin yaxınları bildiriblər ki, rejimin məmurları fəalı Təbrizdə iş yerində döyərək, yaxalayıb, daha sonra isə fəalın evində axtarış aparıblar. Onlar fəalın komputeri və kitablarını müsadirə ediblər.

Qeyd edək ki, hələlik hər iki azərbaycanlı fəalın həbsinin səbəbi və ittihamları barədə dəqiq məlumat yoxdur.

Əli Babai və Davud Şiri milli fəaliyyətlərinə görə dəfələrlə həbs cəzasına məhkum ediliblər.