Bazar ertəsi , Noyabr 16 2026
azfa

Güney Azərbaycanda tarixi kitabə məhv olmaq üzrədir

GADTB-nin Mətbuat Mərkəzinə daxil olan məlumata görə, irqçi fars-molla rejimin ögey münasibəti nəticəsində Güney Azərbaycanın Sarab bölgəsində yerləşən və 3 min illik tarixi olan dəyərli “Qırxqızlar” kitabəsi məhv olmaq üzrədir.

İranın Mədəni İrslər ٰvə Turizm Təşkilatının Güney Azərbaycanın tarixi abidlərinə laqeydliyi nəticəsində “Nəştövlü” və başqa sözlə Qırxqızlar kitabəsinin də dağılmaq üzrə olduğu bildirilir. Bu isə ciddi narahatlıq yaradır.

Kitabə mixi ılifba ilə Urartu dilində yazılıb. Tarixi isə miladdan öncə VIII yüzilliyə çatır. Həmçinin təxminən 5.4 metr uzunluğunda olan iri bir qayanın üstündə həkk olunaraq yazılıb və Qırxqızlar kəndinin Qaradağ dərəsində yerləşir.

Kəndin Nəştövlü kitabəsi və çevrəsində qaldırılmış iri daşlar İranın Mədəni İrslər ٰvə Turizm Təşkilatının tərəfindən heç bir qoruyucu hasara alınmadığına görə müxtəlif amillər səbəbindən tamamilə dağılmaq ərəfəsindədir.

Kitabə 106 x 75 santimetr ölçüdə olmaqla 12 sətirdən ibarət həkk olunub. Mətni isə Rosanın oğlu Argiştiyə aiddir və Girdo, Gito, Hanı və Tuvayşto yurdlarının ələ keçirilməsi barədə danışılıb.

Onun yaxınlığında qaldırılmış daşlar araşdırma mövzusudur. Həmçinin daşların şimal tərəfində Urartu şahının fəth etdiyi 21 qaladan biri yerləşir.

Həmçinin yoxlayın

ABŞ-ın “Ruzvelt” aviadaşıyan gəmisi Yaxın Şərqə daxil olub

GADTB: “Aksios” nəşrindən sonra Birləşmiş Ərəb Əmirliklərinin “The National” jurnalı və “Jerusalem Post” qəzeti də …

İrqçi fars rejiminin parlamenti xarici ölkələrin media qurumları ilə əməkdaşlığı cinayət hesab edir

GADTB: İran parlamenti media məkanının məhdudlaşdırılması və informasiyanın sərbəst yayılmasına qarşı təzyiqlərin gücləndirilməsi istiqamətində atdığı …