گادتب: ایرانین ایرتیجاچی، ایشغالچی و شووینیست فارس رئژیمینین کئچیرمهیه حاضیرلاشدیغی اوزدن ایراق پرئزیدئنت سئچکیسی موللا رئژیمینین اوزون ایللردیر اؤزونه ساختا لئگیتیملیک قازاندیرماق اوچون کئچیردیگی سئچکی اویونونون داوامیدیر و هئچ بیر شئی بو سئچکی ایله دییشمهیهجک. هله اینگیلیسلرین الی ایله حاکمیته گتیریلهن پهلوی سولالهسی دؤوروندن ایران آدلانان یئرده سئچکی آدلی بیر شئی اولماییب. ایرقچی فارس رئژیمین حاکملرینین بئینینده آنجاق «الله، ایران و شاه» تصوورو اولوب. بو گون ده موللالار اؤزلرینی شاه کیمی تصوور ائدیر و حاکمیت سیستئملری ده مونارخییادیر. هم شاه، هم ده موللالارین حکومت مودئللری مونارخییا اولدوغو اوچون حتی اونلارین شعورآلتی تصوورونده ده سئچکی آنلاییشی یوخدور. اونلار یالنیز گؤزدن پرده آسماق مقصدیله سئچکی اویونو اویناییرلار.
موللا رئژیمی حاضردا صرف اؤزونه لئگیتیملیک قازاندیرماق اوچون مانقورت و آلته چئوریلمیش بیر آذربایجان تورکونو ده نامیزد اعلان ائدیب. بو مسئله اصلینده هئچ نه یی دییشمهیهجک و یالنیز آذربایجان تورک میللتینی آلدادیب سسوئرمهیه چکیب، ایشغالچی و شووینیست موللا رئژیمینه لئگیتیملیک قازاندیرماقدان باشقا بیر شئی دئییلدیر.
ایرقچی و ایشغالچی فارس-موللا رئژیمی ایله هئچ نه آذربایجان تورک میللتینی بیر-بیرینه باغلاماز و هر هانسی آذربایجان تورکونون ده بونا واسطه و آلت اولاجاغی قبول ائدیلمزدیر. عینی زاماندا ایشغالچی ایران رئژیمینین سئچکی اویونونداکی نامیزدلری رئژیمین سوزگجیندن کئچمیش اؤزلرینین جینایتکار ال آلتیلاری و قولبئچهلریدیر. رئژیمین سئچکی اویونو و اونون هر هانسی نامیزدینین سئچکی آدی ایله تعیین ائدیلمهسی مسئلهسی آذربایجانا هئچ بیر خئییر گتیرمهیهجک.
آذربایجان تورک میللتینین یولو آزادلیق و موستقیللیک اوغروندا ایرلیلهمکدیر و هر هانسی آلدادیجی مسئله آذربایجانا ضرردن باشقا هئچ نه وئرمهیهجک. کیمسه بیلهرک و یا بیلمهدن میللتیمیزه یانلیش عنوانلار گؤستریب، اؤز قیسا مدتلی شخصی منافعلری اوچون رئژیمین سئچکی اویونونا قوشماق ایسته ییرسه، بو آذربایجانا هئچ بیر خئییر گتیرمهیهجک. میللتیمیز آییق اولمالیدیر و بیزی بو ایشغالچی، جینایتکار فارس-موللا رئژیمی ایله اورتاق هئچ بیر شئی باغلامیر.
کیمسه و یا هر هانسی قروپ رئژیمین اویونونا گئدیب، میللتیمیزی پارچالاییرسا، بیلمهلیدیر کی، اونون آذربایجاندا یئری اولمایاجاق. آذربایجانین گونئیی آذربایجان تورک میللتینین وطنیدیر و بورادا بو میللت اؤز آزادلیغی و موستقیللیگی اوغروندا موباریزه آپاریر. بو رئژیم و ایران آدلانان یئر داغیلماق عرفهسیندهدیر. سئچکی اویونونو دا بو رئژیمین اؤز عمرونو داها بیر مدت اوزاتماق مقصدیله ایستیفاده ائدیلیر. رئژیم دونیایا گؤسترمک ایسته ییر کی، هله ده خالق اونلاری دستکله ییر. میللتیمیز ایرتیجایا و ایشغالا سون قویماق نیتیندهدیر و بیزیم ده ایشیمیز ایشغالچینی آذربایجاندان چیخاریب گونئی آذربایجان تورک جمهوریتینی یاراتماقدیر. گونئی آذربایجان دئموکراتیک تورک بیرلیگی (گادتب) ده آذربایجان تورک میللتینین میللی آمالیندان ایلهاملاناراق ایشغالچی، ایرتیجاچی و شووینیست ایران رئژیمینین پرئزیدئنت سئچکیسینه یوخ دئییب، بویکوتا سسله ییر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی