GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Salmas şəhərindən olan mədəniyyət xadimi və Dədə Qorqudşünas alim Hüseyn Pənahi dünyasını dəyişib.
Türkiyədən əczaçılıq üzrə məzun olan Pənahinin “Dədə Qorqud və ədəbiyyat dünyamız” adlı əsəri azərbaycanlı gənclərin milli kimlik və türk mədəniyyəti ilə tanışlığında əhəmiyyətli rol oynayıb.
Pənahi həmin kitabı Salmas şəhərində təsis edilən “Azərbaycan Mədəniyyət Evində” tədris edib.
2006-cı ilin etiraz aksiyalarında həbs edilən Hüseyn Pənahi ettelaat iDAR’SININ təcridxanasında işgəncə edildiyi zaman infarkt keçirib.
Azərbaycanlı mədəniyyət xadimi həmin vaxtdan ürək çatışmazlığı ilə mübarizə aparıb və nəhayət həmin xəstəlik səbəbindən dünyasını dəyişib.
Qeyd edək ki, Hüseyn Pənahinin fəaliyyət göstərdiyi “Salmas Mədəniyyət Evi” 2015-ci ildə Salmas şəhərinin fərmandarlığının icazəsi ilə təsis edilib.
Burada Azərbaycan ədəbiyyatı, türk dili və mədəniyyəti tədris olunub, müxtəlıif seminarlar keçirilib.
Bir qrup mədəniyyət xadimi tərəfindən təsis edilən qurum qurulduğu gündən SEPAH və ETTELAAT qüvvələrinin təzyiqləri ilə qarşılaşıb, təsisçiləri saxlanılıb, işgəncə edilib və nəhayət “Azərbaycan Mədəniyyət Evi”nin fəaliyyət icazəsi ləğv edilib.
