GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Amerika Prezidentinin Milli Təhlükəsizlik məsələləri üzrə müşaviri Ceyk Sallivan oktyabrın 28-də mediaya aqçıqlamasında ABŞ prezidenti Co Baydenin Avropa səfəri haqqında danışıb.
Ceyk Sallivan dövlət başçısının avropalı tərəfdaşları ilə İranla imzalanmış atom razılaşmasının canlandırılması üçün Vyanada aparılan danışıqlar barədə müzakirə aparacağını bildirib.
Sallivan deyib ki, Bayden üç Avropa ölkəsinin rəhbərləri ilə keçirəcəyi görüşdə Vyanada İranla aparılan nüvə danışıqlarında birgə mövqedən müzakirələrə qatılmaları barədə söhbət aparacaq.
“İranlıların danışıqlara qayıdıb-qayıtmayacaqları hələlik şəxsən mənə tam bəlli deyil. Biz onların danışıqlara hazırlaşması barədə müsbət sinqnallar almışıq.
Ancaq hesab edirəm ki, biz onların həqiqətən də danışıqlar masası arxasına nə vaxt qayıdıb-qayıtmayacaqlarını və ya bu addımı konkret nə vaxt atacaqlarını gözləməliyik.
Biz, xoş niyyətlə Vyana danılşıqlarına və atom razılaşması ilə bağlı üzərimizə götürdüyümüz öhdəliklərə sadiq qalmağa hazırıq. Ümid edirəm ki, onlar da belə rəftar edəcəklər”, -deyə Amerika Prezidentinin Milli Təhlükəsizlik məsələləri üzrə müşaviri Ceyk Sallivan bildirib.
