Bazar ertəsi , Noyabr 16 2026
azfa

ABŞ İran heç vaxt nüvə silahı əldə etməyəcəyini bildirir

GADTB: ABŞ İranın heç vaxt nüvə silahına sahib olmayacağına dair hər cür zəmanət verir.

Bunu ABŞ Dövlət Departamentinin sözçüsü Metyu Miller Əli Xameneinin müşaviri Kamal Xərrazinin İranın nüvə doktrinasını dəyişə biləcəyi ilə bağlı çıxışına cavabında deyib.

Xameneinin müşavirinin bəyanatını məsuliyyətsiz adlandıran Miller Vaşinqtonun problemi diplomatiya yolu ilə həll etməkdə maraqlı olduğunu söyləyib:

“ABŞ prezidenti və dövlət katibinin dediyi kimi, bütün variantlar masa üzərindədir. Birləşmiş Ştatlar bütün vasitələrdən istifadə edərək, İranın nüvə silahına sahib olmasının qarşısını almaq məqsədi güdür. İran liderlərinin bütün dünyada fəaliyyətinin intensivləşməsini, o cümlədən Atom üzrə Beynəlxalq Agentliklə əməkdaşlıq etməmələrini nəzərə alsaq, biz indi diplomatiyadan uzağıq”.

Qeyd edək ki, İran dini lideri Əli Xameneinin beynəlxalq məsələlər üzrə müşaviri Kamal Xərrazi Qətərin “Əl-Cəzirə” telekanalına müsahibəsində İranın nüvə silahı əldə etmək gücünə malik olduğunu, İsrailin İrandakı nüvə obyektlərinə hərbi hücumu halında Tehranın nüvə doktrinası barədə qərarını dəyişəcəyini deyib.

Həmçinin yoxlayın

ABŞ-ın “Ruzvelt” aviadaşıyan gəmisi Yaxın Şərqə daxil olub

GADTB: “Aksios” nəşrindən sonra Birləşmiş Ərəb Əmirliklərinin “The National” jurnalı və “Jerusalem Post” qəzeti də …

İrqçi fars rejiminin parlamenti xarici ölkələrin media qurumları ilə əməkdaşlığı cinayət hesab edir

GADTB: İran parlamenti media məkanının məhdudlaşdırılması və informasiyanın sərbəst yayılmasına qarşı təzyiqlərin gücləndirilməsi istiqamətində atdığı …