GADTB Güney Azərbaycan Demokratik Türk Birliyi
GADTB: Bu gün ABŞ prezidenti Donald Tramp Hörmüz boğazı ilə bağlı İrana sərt xəbərdarlıq etdi. O, İranın Xarq adasındakl hərbi hədəflərə genişmiqyaslı zərbə endirildiyini açıqlayıb.
Tramp “Truth Social” platformasında paylaşdığı bəyanatda bildirib ki, onun göstərişi ilə Yaxın Şərq tarixində ən güclü bombardman əməliyyatlarından biri həyata keçirilib və adadakı bütün hərbi hədəflər məhv edilib.
ABŞ prezidenti qeyd edib ki, əməliyyat zamanı neft infrastrukturu qəsdən hədəfə alınmayıb. Onun sözlərinə görə, ABŞ bunu “ədəb-ərkan qaydalarına görə” etməyib.
Tramp eyni zamanda xəbərdarlıq edib ki, əgər İran və ya başqa bir tərəf Hörmüz boğazı vasitəsilə gəmilərin sərbəst və təhlükəsiz hərəkətinə mane olarsa, Vaşinqton bu qərarı yenidən nəzərdən keçirə bilər.
ABŞ prezidenti bəyanatında həmçinin bildirib ki, İranın ABŞ-ın hərbi əməliyyatlarına qarşı durmaq imkanları yoxdur və Tehran heç vaxt nüvə silahına sahib olmayacaq.
Video:
