GADTB Güney Azərbaycan Demokratik Türk Birliyi
GADTB: ABŞ Maliyyə Nazirliyi beynəlxalq maliyyə qurumları ilə İran İslam Respublikasına qarşı “iqtisadi təcridetmə” əməliyyatının genişləndirilməsi məqsədilə görüş keçirildiyini açıqlayıb.
ABŞ Maliyyə Nazirliyinin Maliyyə Cinayətləri ilə Mübarizə Şəbəkəsi (FinCEN) bildirib ki, sentyabrın 16-da keçirilən görüşdə maliyyə qurumlarına İran hakimiyyəti ilə əlaqəli gəlir mənbələrinin və təchizat şəbəkələrinin müəyyənləşdirilməsi və fəaliyyətinin pozulması üçün zəruri məlumatlar təqdim edilib.
Avqustun 24-də başlayan bu əməliyyat Vaşinqtonun maliyyə təzyiqlərini artırmaq və İran İslam Respublikasının beynəlxalq maliyyə şəbəkələrinə çıxışını məhdudlaşdırmaq siyasətinin bir hissəsidir.
