GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, “Reuters” xəbər verir ki, ABŞ Maliyyə Nazirliyi xarici şirkətlərə İrana qarşı yeni sanksiyalara əməl etmək üçün 90 günlük fürsət verir.
Məlumata görə, nazirlik xarici şirkətlərin İrana keçən həftə tətbiq olunan sanksiyalara əməl etməsi üçün 90 günlük zaman verdiyini açıqlayıb.
Üç aylıq müddət 9 apreldə başa çatacaq və ABŞ sanksiyalarına əməl etməyən şirkətlər bundan sonra Vaşinqton tərəfindən cərimələnəcəklər.
ABŞ Maliyyə naziri Stiven Mnuçin dövlət katibi Mayk Pompeo ilə konfransda İrana qarşı sanksiyaları müzakirə edib və sanksiyalar inşaat, ümran, mədənçilik, parça, metal və dəmir sənayesini hədəf alacağını söyləyib.
ABŞ Maliyyə Nazirliyi tərəfindən verilən açıqlamada iranlılar da sanksiyalar siyahısındadır.
Silahlı Qüvvələr Baş Qərargahının koordinatoru Əli Əbdullahi, Silahlı Qüvvələrin Baş Qərargah rəisinin müavini Məhəmməd Rza Aştiani, İran liderinin Beynəlxalq Rabitə Ofisi rəhbərinin müavini Möhsün Qomi, rəhbərliyin beynəlxalq rabitə müavini Mühsün Rzayi, Məsləhət Şurasının katibi Əli Şamxani, Bəsic Mustəzəfin Təşkilatının rəhbəri Qulamrza Süleymani ABŞ sanksiyalar listəsində yer alıblar.
