GADTB Güney Azərbaycan Demokratik Türk Birliyi
GADTB: ABŞ Xəzinədarlığı bəyan edib ki, İran İslam Respublikasının neft ixracına təzyiqi gücləndirmək məqsədilə Xarici Aktivlərə Nəzarət İdarəsi İranın “kölgə donanması”nda fəaliyyət göstərən 29 gəmini və onlarla əlaqəli idarəedici şirkətləri sanksiya siyahısına daxil edib. ABŞ rəsmilərinin sözlərinə görə, bu donanma aldadıcı nəqliyyat üsullarından istifadə edərək İranın yüz milyonlarla dollar dəyərində neft və neft məhsullarını Asiya bazarlarına daşıyıb.
Sanksiyalar həmçinin BƏƏ-də yaşayan misirli tacir Hatəm əs-Seyyid Fərid İbrahim Saqırı və ona bağlı bir neçə gəmiçilik şirkətini də əhatə edir. ABŞ Xəzinədarlığı nazirinin müavini Con K. Hərli vurğulayıb ki, Birləşmiş Ştatlar İran İslam Respublikasının neft gəlirlərindən hərbi və silahlanma proqramlarını maliyyələşdirmək üçün istifadə etməsinə yol verməyəcək.
Vaşinqton xəbərdarlıq edib ki, bu şəxslər və qurumlarla istənilən maliyyə və ya ticarət əməkdaşlığı mülki və cinayət məsuliyyəti ilə nəticələnə bilər.
ABŞ Senatının Xarici Əlaqələr Komitəsinin sədri: İranın resursları xalqın rifahı əvəzinə terrorizmə və nüvə proqramına xərclənir
ABŞ Senatının Xarici Əlaqələr Komitəsinin sədri Məsud Pezeşkianın açıqlamalarına cavab olaraq İran İslam Respublikası rejiminin prioritetlərini kəskin tənqid edib. O bildirib ki, hökumət İran vətəndaşlarının əsas ehtiyaclarına fokuslanmaq və ölkə resurslarının xarici terrorizmə və nüvə proqramına yönəldilməsinə son qoymaqla fərqli yol seçə bilər. Senat üzvü terrorizmi “uduzan yol” adlandırıb və İran xalqını öz liderlərindən daha yüksək tələblər irəli sürməyə çağırıb.
ABŞ Senatının Xarici Əlaqələr Komitəsinin sədrinin paylaşımı:
“Pezeşkian buradan başlaya bilər: İran vətəndaşlarının əsas ehtiyaclarını prioritetləşdirmək, xarici terrorçulara pul xərcləməyə və nüvə silahına yiyələnmək kimi faydasız təqibə son qoymaq.
Terrorizm uduzan bir perspektivdir. İranlılar liderlərindən daha yaxşısını gözləməli və tələb etməlidirlər.”
