Bazar ertəsi , Noyabr 16 2026
azfa

ABŞ və İsraildə İrana hücum gündəmə gəlib

GADTB: ABŞ-ın yeni seçilmiş prezidenti Donald Trampın milli təhlükəsizlik üzrə müşaviri Mayk Uolts deyib ki, ABŞ həddən artıq müdafiə xarakterli davranıb, Çin və İranla qarşı-qarşıya gəlmək üçün hücum imkanlarından istifadə etməliyik. Əgər onlar bizim effektiv cavab verdiyimizi görsələr, bu, onların hərəkətlərini məhdudlaşdıra bilər.

Uolts həmçinin “İbrahim Paktı”nı genişləndirmək variantlarından danışb, İrana qarşı maksimum təzyiq strategiyasını canlandırmağı təklif edib.

Eyni zamanda Trampın administrasiyasının keçmiş dövlət katibi və xarici siyasət üzrə şöbə rəhbəri Parisdə “İranın demokratikləşməsinin tərəfdarları” konfransında deyib ki, Vaşinqtonda administrasiya dəyişikliyi Tehrandakı mövcud rejimin sonu olacaq.

“İndependent” yazır: “Mayk Pompeo demokratiya uğrunda kampaniya aparan iranlılara deyib ki, “kökünə qədər çürümüş” Xameneyi rejimi vaxtı bitmiş “kağız pələng”dir”.

Həmçinin “Kanal 12” telekanalı xəbər verir ki, dünən İsrailin Baş naziri Benyamin Netanyahu təhlükəsizlik kabinetinin müşavirləri və nazirlərlə görüş keçirərək, ölkə ordusunun İrana üçüncü hücum ehtimalı ilə bağlı hazırlıq səviyyəsini müzakirə edib.

Görüş İran hökumətinin yaxın gələcəkdə İsrailin onun strateji obyektlərinə birbaşa hücumundan narahat olduğu bir şəraitdə keçirilib.

Həmçinin yoxlayın

Təbrizdə “Aşıqlar gecəsi” mərasimi: Aşıq sənətinin 40 tanınmış veteran sənətkarı təltif olunacaq

GADTB: Şərqi Azərbaycan Aşıqlar Mədəniyyət və İncəsənət Dərnəyi vilayətin Mədəniyyət və İslami İrşad Baş İdarəsi …

Azərbaycanın Traxtur komandası Asiyanın ən çox azarkeş toplayan ikinci komandası oldu

GADTB: Asiya Futbol Konfederasiyasının açıqlamasına görə, Azərbaycanın Traxtur komandası ilə Birləşmiş Ərəb Əmirliklərinin Əl-Vəhdə komandası …