Cümə , Oktyabr 7 2022
azfa

Afrində kürd terror təşkilatlarına verilmiş qrad raketlər aşkarlandı

GADTB-nin Mətbuat Mərkəzinə daxil olan məlumata görə, “Zeytun budağı” əməliyyatı çərçivəsində azad edilən Afrin şəhərində aparılan axtarış əməliyyatları nəticəsində 4 ədəd “Qrad” raketi tapılıb.  Bu barədə “Xəbər7” informasiya yayıb.

YPG-PKK terrorçularının “Qrad” raketlərindən Hatay və Kilisə endirilən zərbələr zamanı istifadə etdiyi müəyyən edilib.

Digər tərəfdən isə Türkiyə Silahlı Qüvvələrinin terrorçulardan azad etdiyi Afrin şəhər mərkəzində PKK-PYD terrorçularının qərargah olaraq istifadə etdiyi bina aşkarlanıb.

Binaya baxış keçirən türk ordusu zirzəmi hissəsində böyük bir mətbəə olduğunu müəyyən edib.

Binada PKK lideri Abdullah Öcalanın fotoları ilə yanaşı “Zeytun budağı” əməliyyatı çərçivəsində öldürülən bir çox terrorçu liderinin şəkilləri asılıb. Zirzəmi hissədə aşkar edilən mətbəədə məktəblilərə terror təbliğatının aparılması üçün istifadə edilən bir çox materialın aşkarlandığı bildirilib. Bundan əlavə binadakı otaqlardan birində terrorçuların hərbi formaları aşkar edilib. Hərbi formaların tapılması YPG terrorçularının türk ordusu Afrinə girmədən əvvəl geyimlərini dəyişərək ərazidən qaçdığı iddiasını təsdiq edib.

Qeyd edək ki, “Zeytun budağı” əməliyyatı yanvarın 20-də başladılıb.

Həmçinin yoxlayın

Molla rejimi Ərdəbildə azərbaycanlı milli fəal Firuz Moinini yaxaladı

GADTB-nin Mətbuat Mərkəzinə daxil olan məlumata görə, irqçi fars-molla rejimin ETTELAAT məmurları Ərdəbildə yaşayan azərbaycanlı …

Azərbaycanlı fəal Zəhra Pəndi Təbrizdə molla rejiminin məmurları tərəfindən yaxalanıb

GADTB-nin Mətbuat Mərkəzinə daxil olan məlumata görə, Güney Azərbaycanın Sarab şəhərinin sakini olan azərbaycanlı fəal …

Bir cavab yazın