Şənbə , Yanvar 28 2023
azfa

Azərbaycan Türk Dövlətlərinin Əməkdaşlıq Şurasının fəaliyyətinə gələcəkdə də töhfələrini verəcək

GADTB-nin Mətbuat Mərkəzinə daxil olan məlumata görə, Azərbaycanın xarici işlər naziri Elmar Məmmədyarov oktyabrın 4-də Türk Dövlətlərinin Əməkdaşlıq Şurasının (Türk Şurası) baş katibi Bağdat Amreev ilə görüşüb.

Görüşdə Elmar Məmmədyarov Bağdat Amreevi Türk Şurasının baş katibi seçilməsi münasibətilə təbrik edib.

Bağdat Amreev fəaliyyətində dövlət başçılarının qəbul etdikləri qərarlar əsasında Türk Şurasının daha da inkişaf etdirilməsi istiqamətində səylərini əsirgəməyəcəyini diqqətə çatdırıb. O, Azərbaycanın bu işdə həmişə dayaq olacağına ümidvar olduğunu bildirib və bu mənada Türk Şurasının bir beynəlxalq qurum kimi 2009-cu ildə Naxçıvanda keçirilən Zirvə toplantısında təsis edilməsinin tarixi əhəmiyyətini vurğulayıb.

Görüşdə Türk Şurasına daxil olan ölkələr və xalqlar arasında dil və mədəniyyət sahələrində mövcud olan ortaq mirasın müasir dövrün tələblərinə uyğun şəkildə təbliğ və təşviq edilməsinin münasib yolları və bu məqsədlə aparılmalı islahatlar müzakirə edilib. Ölkələrimiz arasında iqtisadi-ticari və turizm əlaqələrinin daha da inkişaf etdirilməsi üçün böyük potensialın mövcud olduğu qeyd edilib. Bununla yanaşı, Türk Şurasının BMT və digər beynəlxalq təşkilatlarla əməkdaşlığının dərinləşdirilməsi istiqamətində aparılan işlər müzakirə olunub.

Nazir Elmar Məmmədyarov baş katib Bağdat Amreevə fəaliyyətində uğurlar arzu edərək Azərbaycanın Türkdilli Dövlətlərin Əməkdaşlıq Şurasının fəaliyyətinə gələcəkdə də töhfələrini verəcəyini söyləyib.

Həmçinin yoxlayın

GADTB başqanı sayın Əjdər bəy Tağızadənin “arb24 TV”-də “Terror yuvasına çevrilən İran: Molla rejimi Azərbaycandan üzr istəyəcək?” mövzusunda çıxışı- Video

GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB) və Güney …

GADTB-nin Azərbaycanın Tehrandakı səfirliyinə terror hücumu ilə bağlı bildirişi

GADTB: Bu gün səhər saatlarında Azərbaycanın Tehrandakı səfirliyinə terror hücumu olub. Azərbaycan səfirliyinə edilən terror …

Bir cavab yazın