Çökməkdə olan irqçi fars rejim saxta artım görüntüsü yaratmaqla lovğalanır

GADTB-nin Mətbuat Mərkəzinin əldə etdiyi məlumata görə, çökməkdə olan irqçi və işğalçı fars rejim saxta artım görüntüsü yaratmaqla lovğalanmaqda davam edir.

Rejimin vitse-prezidenti, Büdcə və Planlaşdırma İdarəsinin rəisi Məhəmməd Bağır Nöbəxt deyib ki, neftin qiymətindəki artım ABŞ-ın İrana sankisiyalarını kompensasiya etdi. Ölkənin neft gəlirləri son 6 ayda 16 faiz artıb.

PressTV-yə danışan vitse-prezidentin sözlərinə görə, cari maliyyə ilində büdcədə neftin hər bareli 55 dollardan götürülüb, ancaq satış qiyməti orta hesabla 70 dollara yaxın olub.

Vitse-prezident həmçinin qeyd edib ki, hökumət sutkada 2,4 milyon barel neft satmağı planlaşdırmışdı, amma bu rəqəm daha da artaraq 2,5 milyon barel olub.

Qeyd edək ki, noyabr ayından rejim qətiyyən neft ixrac edə bilməyəcək. İndi isə saxta artım görüntüsü yaradıb, lovğalanır.