Azərbaycanın Tehrandakı səfirliyi İran rejiminin Azərbaycan şəhərlərinin adlarını təhrif etməsinə etiraz etdi

GADTB-nin Mətbuat Mərkəzinə daxil olan məlumata görə, Azərbaycanın İrandakı səfirliyi Tehran Şəhər Şurasının Azərbaycan şəhərlərinin adlarının təhrif etməsinə etirazını bildirərək, saxta adların dəyişdirilməsini tələb edib.

Tehran Şəhər Şurası sədrinin müavini Pərviz Sərvəri bu barədə deyib ki, Azərbaycan Respublikası Tehran küçələrinə verilmiş Qafqaz şəhərlərinin adlarının dəyişdirilməsini tələb edib.

Qeyd edək ki, Tehran Şəhər Şurası Antiazərbaycan addımı ataraq Şuşa, Bakı və başqa şəhərlərin adlarını təhrif edərək, Tehranın bir sıra küçələrinə həmin təhrif olunmuş adlar verib. Azərbaycana qarşı atılan bu addım Güney azərbaycanda azərbaycanlı fəallarla yanaşı Azərbaycanın Tehrandakı səfirliyinin də etirazına səbəb olub.