GADTB Güney Azərbaycan Demokratik Türk Birliyi
GADTB: İranla ABŞ-İsrail koalisiyası arasında 40 gün davam edən müharibədən sonra atəşkəsə dair razılaşmanın əldə olunması region ölkələri tərəfindən müsbət qarşılanıb. Azərbaycan da atəşkəsi alqışlayaraq bunun bölgədə davamlı sülhə yol aça biləcəyinə ümid ifadə edib.
Amma gözləntilərin əksinə olaraq, İranda bəzi dairələrin bu durumdan istifadə edərək müharibə dövründə zəiflədilmiş anti-Azərbaycan təbliğatını yenidən canlandırmağa çalışdığı bildirilir.
Bu kontekstdə SEPAH-a bağlı rusdilli Teleqram kanalında birində İranın şimal-qərbində guya mümkün quru əməliyyatına hazırlıq görüldüyü barədə məlumat yayılıb.
Paylaşımda müharibə zamanı İranın şimal bölgəsində yerləşən Ənzəli limanı, Parsabad və Təbrizdəki hərbi infrastruktura Azərbaycan ərazisindən istifadə edilməklə zərbələr endirildiyinə eyham vurulub.
Eyni zamanda iddia olunub ki, Azərbaycanın cənub bölgəsində müəyyən hərbi qüvvələr cəmləşdirilir./Azad İran
