GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, ərdəbilli milli-mədəni fəal Mehdi Dustdar İran adlanan ölkənin Ərdəbildəki 2 saylı məhkəməsinin 103-cü şöbəsi tərəfindən 2 il asılı saxlanmaq şərti ilə 3 ay həbsə məhkum edilib.
Mehdi Dustdar 2017-ci il oktyabr ayının 26-da milli və demokratik hüquqlar uğrunda təbliğat aparmaq itihamı ilə təhlükəsizlik qüvvələri tərəfindən tutulub. Fəal Ərdəbil zindanında 1 həftə saxlandıqdan sonra 20 milyon tümənlik mülki vəsiqə qarşılığında müvəqqəti zaminə buraxılıb.
Azərbaycanlı fəal nəhayət qövmlər məsələsini gündəmə gətirmək və millətçilərin başçıları ilə əlaqədə saxlamaqda ittiham edilib. İran adlanan ölkənin Ərdəbildəki 2 saylı məhkəməsinin 103-cü şöbəsi islam cəza qanunlarının 500-cü maddəsini bəhanə edərək, onu sistemin əleyhinə təbliğ etmək ittihamı ilə həbs cəzasına məhkum edib.
