GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, azərbaycanlı milli-mədəni fəal Əmir İbrahimlu yanvar ayının 17-də Urmiyədə bu şəhərin “Şəhrdari” voleybol komandası ilə Amolun “Kale” komandasının yarışında yaxalanmışdır.
Əmir İbrahimlu təhlükəsizlik qüvvələri tərəfindən saxlandıqdan sonra Polis İdarəsinin 14-cü bölməsinə aparılmışdır.
Azərbaycanlı fəal 24 saat saxlandıqdan sonra Urmiyənin İnqilab Məhkəməsinə köçürülüb. Məhkəmədə “komanda tərəfdarlarını təhrik etməklə ümumi asayişi pozmaq”da ittiham edilərək, yanvarın 18-də 15 milyon tümənlik mülki vəsiqə qarşılığında müvəqqəti olaraq zaminə buraxılıb.
