Azərbaycanlı fəallar rejimin həbs etdiyi Həkimə Əhmədinin ailəsi ilə görüşüb

GADTB-nin Mətbuat Mərkəzinə daxil olan məlumata görə, dünən iyulun 12-də Güney Azərbaycanın Təbriz, Binab, Qoşaçay və Marağa bölgələrindən olan azərbaycanlı milli-mədəni fəal rejimin Marağa zindanında həbs etdiyi Həkimə xanım Əhmədinin ailə üzvləri ilə görüşüb, onlara ürək-dirək veriblər.

Bundan sonra ailəsi ilə görüş keçirildiyi xəbərini alan Həkimə Əhmədi fəallar görüşdən qayıtdıqdan bir neçə dəqiqə sonra onlarla telefon əlaqəsi saxlayaraq öz təşəkkürünü bildirib. Yüksək əhval-ruhiyyədə olduğu deyilən Həkimə Əhmədi həbsini və vəziyyəti ictimaiyyətə çatdıran və bu istiqamətdə xəbər yayan hər kəsə öz təşəkkürünü bildirib.

Qeyd edək ki, Həkimə Əhmədi 2018-ci il oktyabrın 18-də irqçi fars rejimin təhlükəsizlik qüvvələri tərəfindən yaxalanılaraq Mərənd şəhərində rejimin ETTELAAT İdarəsinin təcridxanasına salınıb.

Azərbaycanlı fəal rejim tərəfindən ağır işgəncəyə məruz qalıb, qabırğa və barmaqları ağır xəsarət alıb. 2018-ci il oktyabrın 30-da xəstəxanaya aparılan fəal noyabrın 2-də yenidən təcridxanaya qaytarılıb.

Hazırda fəal rejimin Marağada yerləşən zindanına köçürülüb  və 9 aydır qeyri-müəyyən şəraitdə saxlanılır.

İki uşaq anası olan fəalın sosiologiya üzrə magistr diplomu var və bundan əvvəl də mədəni fəaliyyətlərinə görə rejim tərəfindən müxtəlif təzyiqlərə məruz qalıb.

Həmçinin yoxlayın

Təbrizin tarixi bazarında restoran və kafelər bağlandı

 GADTB-nin Mətbuat Mərkəzinə daxil lan məlumata görə, son bir neçə gündə Təbrizin tarixi bazarında fəaliyyət …

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …

Bir cavab yazın