Bazar ertəsi , İyul 4 2022
azfa

Azərbaycanlı şair və fəal Məhərrəm Vəlipur işğalçı fars rejim tərəfindən yaxalandı – Video

GADTB-nin Mətbuat Mərkəzinə daxil olan məlumata görə, azərbaycanlı şair və fəal, eləcə də Azərbaycan türkcəsi üzrə dil və ədəbiyyat ustadı olan Məhərrəm Vəlipur işğalçı fars rejim tərəfindən yaxalandı. Şairin oğlunun yaydığı videodan məlum olur ki, şair 2018-ci il noyabrın 10-da irqçi fars rejimin ETTELAAT İdarəsinin mülki geyimli məmurları tərəfindən Təbrizin Əmrəqız məhəlləsində yaxalanıb.

Azərbaycanlı şair Xoşnam təxəllüsü ilə də tanınır.

İrqçi rejimin ETTELAAT məmurları həmçinin ustad Xoşnamın evinə hücum çəkərək onu yaxaladıqdan sonra evdə axtarış aparıb və şairin bəzi şəxsi əşyalarını müsadirə ediblər. Hazırda onun vəziyyəti ilə bağlı heç bir məlumat verilmir.

Ustad Xoşnamın oğlu İbrahim Vəlipur yaydığı videoda atasının həbsi barədə məlumat verib.

Qeyd edək ki, ustad Məhərrəm Vəlipur 1989-cu ildən ədəbiyyat sahəsində fəaliyyət başlayıb. O mərhum Prof. Məhəmmədtağı Zehtabinin elmindən bəhrələnən ədəbiyyatçılardan biridir.

“Qonqa başındayam”, “Bəbəyimin özümü” və “Dənizliyimi dalğalanıram” kitabları ustad Xoşnamın nəşr olunmuş əsərlərindəndir.

Həmçinin yoxlayın

İranın qəzeti daxili işlərinə qarışmaqla Azərbaycanı hədələdi

GADTB-nin Mətbuat Mərkəzinin “Azad İran”a istinadən yaydığı məlumata görə, İran rəhbərinə bağlı radikal “Kayhan” qəzeti …

Ermənilər yenidən Kəlbəcəri atəşə tutdu

GADTB-nin Mətbuat Mərkəzinə daxil olan məlumata görə, iyulun 4-ü gecə saatlarında Ermənistan silahlı qüvvələrinin bölmələri …

Bir cavab yazın