Bazar ertəsi , Yanvar 17 2022
azfa

Azərbaycanlı siyasi məhbus Behnam Şeyxi Evin zindanına qaytarıldı

GADTB-nin Mətbuat Mərkəzinə daxil olan məlumata görə, Novruz bayramı ərəfəsində 19 gün müddətinə məzuniyyətə buraxılan azərbaycanlı siyasi məhbus Behnam Şeyxi dünən Evin zindanına qaytarılıb.

Tehran sakini olan türk siyasi məhbus Behnam Şeyxi Samanlı mart ayının 17-də Tehranın Evin zindanından məzuniyyətə buraxılmışdı.

Bir müddət öncə zindanlarda koronovirusun geniş yayıldığı zaman azərbaycanlı siyasi məhbusların məzuniyyətlə bağlı müraciətlərinə zindan məsulları və məhkəmə sistemi rəhbərliyi əhəmiyyət verməmişdilər.

Qeyd edək ki, 2014-cü ildə Tehranın yaxınlığında yerləşən Nəsimşəhrdə Beynəlxalq Ana Dili Günü mərasiminə qatıldıqları üçün Behnam Şeyxi, Həmid Mənafi, Əkbər Azad və Əlirza Fərşi  yaxalanmışdılar.

Fəallara rejimin Baharistandakı İnqilab Məhkəməsinin 1-ci şöbəsi tərəfindən toplam olaraq 45 il həbs və 8 il sürgün qərarı çıxarılmışdır.

Son olaraq Tehran Apellyasiya Məhkəməsinin 54-cü şöbəsi heç bir günahı olmayan həmin fəalların hər birini 2 il həbs və 2 il sürgün cəzasına məhkum etmişdir.

Həmçinin yoxlayın

İranın qərbində 50-dən çox şəhərdə davamlı partlayış səsləri; İsrailmi hücum etdi

GADTB-nin Mətbuat Mərkəzinə daxil olan məlumata görə, yanvarın 15-i, şənbə günü axşam saatlarında İranın qərb …

Türkiyənin Mosuldakı hərbi bazası raket atəşinə tutuldu

GADTB-nin Mətbuat Mərkəzinə daxil olan məlumata görə, İraqın Mosul şəhərinin şimal-şərqindəki Zlikandakı türk hərbi bazası …