GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanlı milli-mədəni fəallar Əkbər Cəhangiri, Milad Əkbəri və Murtəza Pərvin irqçi fars rejiminin Kəleybərdəki məhkəməsinin ədalətsiz hökmü ilə hər biri 4 ay həbsə ya 18 milyon rial nağd cəriməyə məhkum ediliblər.
Kəleybərdə yerləşən irqçi fars rejiminin cinayət məhkəməsinin 2-ci şöbəsi adı çəkilən azərbaycanlı milli-mədəni fəalları “icazəsiz şüarlar səsləndirməklə ümumi asayişi pozmaq və Babək qalasında qanunsuz toplaşma”da ittiham edərək, onların hər hansı cinayət törmətməmələrinə rəğmən cəzalandıərmışdır.
Qeyd edək ki, Güney Azərbaycanlı milli-mədəni fəallar Əkbər Cəhangiri, Milad Əkbəri və Murtəza Pərvin digər azərbaycanlı milli-mədəni fəallarla birlikdə 2017-ci il iyun ayının 30-da Babək qalası toplantısında iştirak edərək, Güney Azərbaycan siyasi məhbuslarına azadlıq tələb etmişlər. Onlar heç bir cinayət törətmədikləri halda cəzalandırılmışlar.
