GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, rusiyalı iqtisadçı Slava Rabinoviç “Obozrevatel” saytında dərc olunan məqaləsində yazır ki, “Kreml hesabatı” onu göstərir ki, Rusiya 2014-cü ildən bu yana bütün dünya üçün zərərli ölkə statusu daşıyır və bu, gələcəkdə onu məhv edə bilər.
Rus iqtisadçı Slava Rabinoviçin sözlərinə görə, bu sənəd “Damokl qılıncı” kimi bütün rusiyalı iş adamlarının başı üzərində asılıb:
“İndiki halda bütün xarici investorlar, maliyyə müəssisələri, bank və ya şirkətlər rusiyalılarla əməkdaşlıqlarına şübhə ilə yanaşırlar. Ona görə ki, onlar hər an sanksiyalara məruz qalacaq biznes tərəfdaşları ilə işlədiklərini bilirlər. Bu, Rusiya Prezidenti Vladimir Putin və onun ətrafının fəaliyyətinin nəticəsidir. Onların daxili və xarici siyasətdə etdikləri ölkənin inkişafı üçün təhlükəlidir. Putin hər kəsin ümidini məhv etdi. Bu yolun nə zaman bitəcəyi bəlli deyil. Ölkənin maliyyə-iqtisadi və siyasi vəziyyətində geri dönüşü mümkün olmayan dəyişikliklər zamanı çatır. Bu ölkə hələlik necəliyi bəlli olmayan, amma tamamilə qaçılmaz olacaq silkələnmələr nəticəsində dağılacaq”.
