GADTB Güney Azərbaycan Demokratik Türk Birliyi
GADTB: Azərbaycan Milli Hərəkatının fəalı Əlirza Fərşi 8 aylıq həbs cəzasını çəkmək üçün çərşənbə axşamı günü Mərənd Mərkəzi Həbsxanasına köçürülüb. Tehran İnqilab Məhkəməsi tərəfindən çıxarılan və Apellyasiya Məhkəməsi tərəfindən təsdiq edilən hökm cənab Fərşinin yaşadığı yerdən kənarda keçirilən məhkəməyə etirazı ilə müşayiət olundu.
Qeyd edək ki, azərbaycanlı fəal Əlirza Farşi əvvəllər də milli-mədəni fəaliyyətlərinə görə molla rejimi tərəfindən şərlənərək həbsdə olub və 2022-ci ilin fevralında Evin Həbsxanasından azad edilib. O, həmçinin Bağməlek şəhərində 2 illik məcburi yaşamaq cəzasına tabe olmaqdan imtina edib.
