GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Azərbaycan Milli Hərəkatının fəalı Fərhad Pakruhun atası Cəbrayıl Pakruh elektron bildiriş alaraq yaxın 5 gün ərzində özünü “yalan yaymaq” ittihamından müdafiə etmək üçün Təbrizdə rejimin Baş və İnqilab Prokurorluğunun 1-ci şöbəsinə getməlidir.
Müxtəlif xəstəliklərdən əziyyət çəkən cənab Pakruh xəstəxana yatağından lentə alıb yayımladığı videoda əvvəlki həbs prosesi və polis əməkdaşlarının təhdidləri barədə məlumat verib.
Cəbrayıl Pakruh deyib: “Təəssüflər olsun ki, məhkəmə sisteminin ədalətsizliyi və İslam Respublikası sisteminin səmərəsizliyi ucbatından qardaşım Əsəd və oğlum Fərhad törətmədikləri cinayətə görə hər biri 6 ay müddətinə azadlıqdan məhrum ediliblər. Qardaşım hazırda həbsdədir, Fərhad da hökmü icra etmək üçün çağırılıb və mən də cəzama görə iyirmi milyon tümən pul ödəmişəm. Biz haqq-ədalət axtarırıq və Allah qoysa, bir gün bu gerçəkləşəcək”.
Video:
