Azərbaycanlı fəalların alınan mobil telefonları və şəxsi sənədləri ETTELAAT İdarəsi tərəfindən qaytarılmır

GADTB: Bir müddət öncə Babək qalasında həbs edilən Azərbaycan Milli Hərəkatının fəallarının mobil telefonları və şəxsi sənədləri müsadirə edilərək Təbrizdə rejimin ETTELAAT İdarəsinə verilmişdi. Məhkəmə iddiası olmadığı üçün ETTELAAT agentləri bu fəalların cib telefonlarını və şəxsi əşyalarını qanunsuz olaraq qaytarmaqdan imtina edib.

Tutulan Azərbaycan Milli Hərəkatının fəalları Meysəm Colani, Rza Vəqti, Əli Lisani, Mehdi Lisani, Behzad Dəşti və Pejman Səlimi idi. Onlar bir müddət öncə Babək qalasından qayıdarkən yaxalanıb, sənədləri və mobil telefonları götürülüb.

Qeyd edək ki, milli fəallar Babək qalasından qayıdarkən yolda Vinçester tüfəngləri, şokerlər və dəyənəklərlə silahlanmış 20-dən çox ETTELAAT qüvvələri tərəfindən həbs olundular və onlara qanunsuz şəkildə göstərilib. Heç bir günahı olmayan fəallar sərbəst buraxılsa da, ETTELAAT məmurları onların cib telefonlarını və şəxsi əşyalarını qanunsuz olaraq qaytarmaqdan imtina edib.