GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, 6 fevral 2013-cü ildən həbsdə olan Güney Azərbaycanlı siyasi məhbus doktor Lətif Həsəni 3 günlük bayram məzuniyyətinə buraxılıb.
Azərbaycanlı fəalın həyat yoldaşı Əzəm Piri özünün İstagram səhifəsində bu barədə məlumat yayaraq, qeyd edib ki, Lətif Həsəni mart ayının 20-dən 3 gün müddətinə məzuniyyətə buraxılıb.
Doktor Lətif Həsəninin bu ikinci məzuniyyətidir və irqçi fars rejiminin məhkəməsi fəalın şərti həbs cəzasına razılıq vermir.
Qeyd etmək lazımdır ki, doktor Lətif Həsəni irqçi fars rejiminin Təbriz şəhərində yerləşən məhkəməsində Mahmud Fəzli, Şəhram Radmehr, Ayət Mehrəlibəyli və Behbud Quluzadə ilə birlikdə mühakimə edilərək hər biri 9 il həbsə məhkum edilmişdi. Fəal Kərəcin Rəcaişəhr zindanında həbsdə saxlanılır.
