GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən 21 Fevral- Beynəlxalq Ana Dili Günü münasibətilə Güney Azərbaycanın müxtəlif şəhərlərində azərbaycanlı fəallar tərəfindən hazırlanan “Azərbaycanımız” kitabçası Güney Azərbaycanın müxtəlif şəhərlərində əhaliyə paylanılıb.
Həmçinin Güney Azərbaycanın Zəncan şəhərində azərbaycanlı milli-mədəni fəallar tərəfindən yüzlərlə tanınmış azərbaycanlı fəal və yazıçı Həsən Raşidinin “Türk dili və kimlik böhranı” kitabı paylanılıb.
“Türk dili və kimlik böhranı” kitabında İran adlanan ölkə və Güney Azərbaycanda türk dili və onun keçmişdə və bugünkü mövqeyi, pəhləvilərin 53 illik hakimiyyəti dövründə türklərə qarşı repressiyalar, milyonlarla türkün ana dilində təhsil almaq hüququndan məhrum edilməsi, İranda türklərin sistemli şəkildə təhqirlərə məruz qalması və s. mövzulardan bəhs olunub.
