Bicarın Yaskəndində “Bizim Üzüm” festivalı keçirilib

GADTB: Sentyabrın 13-dən sentyabrın 18-dək Güney Azərbaycanın Bicar mahalının Yaskənd (Yasukənd) şəhərində “Bizim Üzüm” üzüm bayramı keçirilib.

Festival üzüm və onun məhsullarını tanıtmaq məqsədi ilə keçirilib və rayonun kənd təsərrüfatı imkanlarını tanıtmaq üçün təşkil edilib.

Festivalda müxtəlif üzüm məhsulları, o cümlədən kişmiş, qarağat, üzüm şirəsi, halva və dolma təklif olunur, yerli məhsulların satışı üçün müxtəlif piştaxtalar qurulub.

Bundan başqa tədbirdə aşıqların və muğan ifaçılarının iştirakı ilə Azərbaycan musiqiləri səsləndirilib.

Qeyd edək ki, ölkənin siyasi bölgüsündə Kürdüstan vilayətinə düşən Yaskənd Güney Azərbaycanda azərbaycanlı türklərin yaşadığı tarixi şəhərdir.