GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanda yükmaşını sürücüləri etiraza qalxıblar.
Şərqi Azəbaycanın Bünab şəhərində yükmaşını sürücüləri dünəndən başlayaraq tələblərinin yerinə yetirilməməsinə etiraz olaraq tətilə başlayıblar.
Onlar yanacaq qıtlığına, dizelin bahalaşmasına və yüklərin ədalətsiz bölüşdürülməsinə etiraz olaraq nəqliyyat departamentinin qarşısına toplaşıblar.
Etirazçılar bildiriblər ki, məmurlar aylardır onların problemlərini həll etmək üçün müxtəlif vədlər versələr də, indiyədək heç biri yerinə yetirilməyib.
Sürücülər həmçinin yanacaq norması sistemində təcili islahatların aparılmasına və yüklərin bölüşdürülməsi prosesinə ciddi nəzarət edilməsinə çağırıblar.
