GADTB Güney Azərbaycan Demokratik Türk Birliyi
GADTB: BMT Təhlükəsizlik Şurası (TŞ) İranın nüvə proqramı ilə bağlı xüsusi iclas keçirməyə hazırlaşır. Bununla bağlı, “Tasnim News” agentliyi BBC telekanalına istinadla xəbər verir.
Məlumata görə, iclasda İranın nüvə fəaliyyəti ətrafında yaranmış son vəziyyət müzakirə olunacaq. BBC qeyd edir ki, bu proses İsrailin baş naziri Benyamin Netanyahunun gələn həftə ABŞ prezidenti Donald Trampla mümkün görüşü fonunda baş verir və İran məsələsinin həmin görüşün əsas mövzularından biri olacağı gözlənilir.
Bəzi mənbələr Təhlükəsizlik Şurasının iclasının çərşənbə axşamı baş tutacağını bildirir. Rusiya və Çin isə iclasın BMT platformasında təşkil edilməsinə qarşı çıxan ölkələr sırasında göstərilir./ Azad İran
