GADTB Güney Azərbaycan Demokratik Türk Birliyi
GADTB: 1 Dey 1404-cü il tarixində Asiya Elit Liqası çərçivəsində keçirilən Güney Azərbaycanın “Traxtur” –Qətərin “Əl-Duhail” komandalarının oyunu zamanı “Traxtur” komandasının azarkeşləri Təbrizin Səhənd stadionunda “Nə mutlu türküm deyənə” yazılmış plakat qaldırıblar. Sözügedən plakat Orxon və latın əlifbalarında hazırlanaraq tribunalarda dalğalandırılıb.
“Asiya” qarşılaşması zamanı “Traxtur” Azərbaycan və “Əl-Duhail” Qətər komandaları arasında keçirilən oyunda azarkeşlər arasında “Nə mutlu türküm deyənə” şüarını əks etdirən parça-yazı diqqət çəkib. Son illərdə bu şüar “Traxtur” azarkeşləri arasında kimlik və siyasi məna daşıyan simvol kimi tanınır.
İdman çərçivəsindən kənara çıxan bu şüar stadiondakı azarkeşlər tərəfindən Azərbaycan türklərinin kimlik və mədəni tələblərinin ifadəsi kimi dəyərləndirilir və müxtəlif idman tədbirlərində dəfələrlə səsləndirilib. Sözügedən plakatın dalğalandırılması Səhənd stadionunu bir daha beynəlxalq idman tədbiri fonunda siyasi-kimlik mesajlarının səsləndiyi məkana çevirib.
“Traxtur” azarkeşlərinin kütləvi iştirakı və bu tip şüarların nümayişi göstərir ki, xüsusilə Asiya turnirləri çərçivəsində keçirilən oyunlar təkcə idman xarakteri daşımır, eyni zamanda sosial və siyasi məzmun da kəsb edərək ictimai diqqəti özünə cəlb edir. “Traxtur”–“Əl-Duhail” qarşılaşması Asiya yarışları çərçivəsində baş tutub.
