GADTB Güney Azərbaycan Demokratik Türk Birliyi
GADTB: Bu gün Azərbaycan xalqının tarixi qəhrəmanı və zülmə qarşı mübarizənin unudulmaz simvolu olan Babək Xürrəmdinin doğum günüdür.
Babək yüzillər əvvəl öz torpaqlarında azadlıq və ədalət uğrunda başladığı hərəkatla təkcə öz dövrü üçün deyil, gələcək nəsillərin də azadlıq mübarizəsinə işıq tutmuşdur.
Bu önəmli gündə Güney Azərbaycan milli hərəkatı və azadlıq istəyən hər kəs üçün Babəyin mübarizə fəlsəfəsi bir ilham mənbəyidir.
Bu gün də bütün təzyiqlərə baxmayaraq azadlıq, ədalət və milli hökumət uğrunda mübarizə aparan yeni nəsillər Babəyin azadlıq ruhunu öz şüarlarında yaşatmaqdadır.
“Biz ölməyə hazırıq, Babəyin sərbazıyıq” şüarı bu böyük qəhrəmanın yolunun hələ də Azərbaycanda davamçılarının olduğunu göstərir.
Bəzz qalası bu gün də vətənin hər guşəsində demokratik və azad gələcək arzusu ilə yaşayan azadlıqsevərlərin ən böyük dayaq nöqtələrindən biri hesab olunur.
