Bu gün Azərbaycanda parlament seçkiləri keçirilir

GADTB: By gün Azərbaycanda növbədənkənar parlament seçkiləri ilə bağlı səsvermə keçirilir.

Bu barədə Milli Məclisə növbədənkənar seçkilərlə əlaqədar Mərkəzi Seçki Komissiyasının (MSK) media mərkəzində keçirilən iclasda MSK sədri Məzahir Pənahov məlumat verib.

Seçkilər ölkə ərazisində formalaşdırılmış 125 seçki dairəsinin ərazisində keçirilir.

Parlament seçkiləri üçün seçki məntəqələri sentyabrın 1-i səhər saat 8:00-da açılır və səsvermə 19:00-a qədər davam edəcək.

Parlament seçkilərində 125 deputat mandatı uğrunda 990 namizəd mübarizə aparır.

Qeyd edək ki, Azərbaycanda seçicilərin ümumi sayı 6 milyon 421 min 960 nəfərdir. Respublika üzrə ümumilikdə 6 min 478 seçki məntəqəsi fəaliyyət göstərir. Onlardan 54-ü işğaldan azad edilmiş ərazilərdə formalaşdırılıb.