Dağıdıcı siyasətindən əl çəkməyən irqçi fars rejim başçısı Ruhani Makrona ABŞ-dan gileyləndi

GADTB-nin Mətbuat Mərkəzinə daxil olan məlumata görə, dağıdıcı siyasəti ilə əhalini acınacaqlı vəziyyətə salan irqçi fars rejimin prezidenti Həsən Ruhani fransalı həmkarı Emmanuel Makronla telefon danışığında Makrona ABŞ-dan gileyləndi.

Ruhani iddia edib ki, ABŞ İrana qarşı atdığı addımlardan heç bir fayda əldə edə bilməyəcək və bu prosesin davam etdirilməsi hər kəs üçün itki ilə nəticələnəcək.

Ruhani ABŞ-ın apardığı siyasətin bölgənin sabitlik və təhlükəsizliyi ilə qlobal sahədəki əlaqələrə mənfi təsir etdiyini və İranın regionda gərginliyi başladan tərəf olmadığını söyləyib.