Ermənistanın Gəncəyə raket hücumu nəticəsində həlak olanların xatirəsi Sidneydə anılıb

GADTB-nin Mətbuat Mərkəzinə daxil olan məlumata görə, Ermənistan ordusunun Gəncəyə raket hücumu nəticəsində həlak olan mülki şəxslərin xatirəsi Avstraliyanın Sidney şəhərində yaşayan Azərbaycan və türk icması tərəfindən anılıb.

Sidneydə yerləşən “Türk evi”nin qarşısında Güney Azərbaycan Demokratik Türk Birliyi və Avstraliya Azərbaycanlıları Assosiasiyası tərəfindən təşkil edilən mərasimdə Ermənistan ordusunun Azərbaycanın cəbhə bölgəsindən uzaqda yerləşən şəhərlərə raket hücumları və bunun nəticəsində mülki şəxslərin həlak olması qəti şəkildə pislənib.

Mərasimə Azərbaycan və Avstraliya bayraqları ilə qatılan iştirakçılar Ermənistanın Gəncə şəhərinə raket hücumu nəticəsində uşaqlar da daxil olmaqla günahsız mülki insanların yuxuda olarkən öldürüldüklərini xatırladaraq bu müharibə cinayətinin təşkilatçılarının beynəlxalq məhkəmə qarşısında məsuliyyətə cəlb olunmasını tələb ediblər.

Gəncədə həyatını itirənlər üçün “Türk evi”nin qarşısındakı guşəyə çələnglər və güllər qoyan tədbir iştirakçıları həlak olanların ruhuna dualar oxuyaraq Azərbaycan Ordusunun işğal altında olan torpaqları tezliklə azad etməsini diləyiblər.

Həmçinin yoxlayın

Sayın Mikayil bəy Oyta Sidneydə Qıbrız Barış Əməliyyatının 50-ci ildönümü və 20 İyul Sülh və Azadlıq Günü münasibətilə tədbirə qatılıb-Video

GADTB-nin Mətbuat Mərkəzinə daxil olan məlumata görə, Avstraliya Azərbaycan Assosiasiyasının prezidenti, Güney Azərbaycan Demokratik Türk …

Fransa hərbi təyyarəsi İrəvanın “Zvartnots” hava limanına endi – Video

GADTB: Fransanın Hərbi Hava Qüvvələrinə məxsus təyyarə İrəvanda “Zvartnots” hava limanına enib. Hərbi təyyarədə silah-sursatın …

Bir cavab yazın