GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ermənipərəst İran rejim Ermənistanın Azərbaycan ərazilərinə hərbi təcavüzünü pislədiyinə görə azərbaycanlı milli-mədəni fəal və Qarabağ istixanasının qurucusu Hüseyn Əmirhicrini Təbrizdə həbs edib.
Azərbaycanlı fəal oktyabrın 16-da atasının vəfatının il dönümü mərasimində iştirak edən zaman saxlanılıb. Rejimin təhlükəsizlik qüvvələri həbsinə dair heç bir məhkəmə qərarı göstərmədən onu həbs edərək naməlum istiqamətdə aparıblar.
Hüseyn Əmirhicrinin yaxalanmasından 2 gün keçməsinə baxmayaraq hələ də harda saxlandığı barədə məlumat verilmir.
Qeyd edək ki, Ermənistanın Azərbaycan ərazilərinə hərbi təcavüzünü pisləmək və Azərbaycan ordusuna dəstək olmaq, eləcə də Nurduzun bağlanmasını tələb etmək məqsədilə yayılan çağırışlardan sonra rejim Güney Azərbaycanda fəalları kütləvi şəkildə həbs edib.
