GADTB-nin Mətbuat Mərkəzinə daxil olan məlumata görə, Güney Azərbaycan Milli Hərəkatının fəalı Əfşar Mohebb mədəni fəaliyyətlərinə və “Arta Nəmin” Sənaye Kompleksinin işçilərinin tətilinə dəstək verdiyinə görə molla rejimin ETTELAAT İdarəsinin təzyiqi ilə işdən çıxarılıb.
Azərbaycanlı milli fəal iyulun 6-da sosial media hesabında ETTELAAT qurumlarının təzyiqi ilə əlaqəli paylaşım edərək yazıb: “17 il zavodda çalışdıqdan sonra mən də başqa milli fəallar kimi saxta və yalan ittihamlarla işdən qovuldum. Mübarizəyə davam!”
Həmin şirkətin 17 illik təcrübəsi olan işçilərindən biri olan Əfşar Mohebb tətil və Namin valiliyi qarşısında etiraz aksiyasında iştirak bəhanəsi ilə ETTELAAT qurumlarının təzyiqi altında mədəni fəaliyyətinə görə işindən qovulub.
Qeyd edək ki, iyunun 18-də “Arta” Sənaye Kompleksinin işçiləri etiraz edərək tətil keçiriblər. Etirazçı işçilər tətil zamanı əmək haqlarının verilməsini tələb ediblər. Azərbaycanlı fəal dəfələrlə irqçi fars-molla rejimin təzyiqləri ilə qarşılaşmışdır.