İran zindanlarında siyasi məhbusların aclıq aksiyası davam edir

GADTB-nin Mətbuat Mərkəzinə daxil olan məlumata görə, İranın 23 həbsxanasında siyasi məhbuslar edam hökmlərinin dayandırılması tələbilə aclıq aksiyası keçirirlər.

Bu barədə insan haqları təşkilatları məlumat yayıb.

Onların beynəlxalq ictimaiyyətin və insan haqları müdafiə qurumlarının diqqətini ölkədə artan edam cəzalarına cəlb etmək üçün bu yola əl atdığı bildirilir.

Qeyd edək ki, son 1 həftə ərzində İranda 35 məhbus edam edilib, onlarla məhbus barəsində ölüm hökmü çıxarılıb.