GADTB Güney Azərbaycan Demokratik Türk Birliyi
GADTB: “Deutsche Welle” nəşri Tehrandakı bədnam Evin zindanından gizli səs yazısı əldə edib. Səs yazısında Evin həbsxanasının dördüncü bölməsində saxlanılan bir qrup siyasi məhbus şəxsi əşyalarının oğurlandığını bildirir. Onlar deyirlər ki, keçmiş həbsxana rəisi Hidayətullah Fərzadi əmlakın qorunacağına söz versə də, bu vəd yerinə yetirilməyib.
Siyasi məhbuslardan biri qeyd edir ki, İsrailin zindana hücumundan sonra onlar silah məcburiyyəti ilə Böyük Tehran həbsxanasına köçürülüblər. Ancaq məhbuslar geri qayıtdıqda həbsxana rəhbərliyi onların öz əşyalarını məhkumlara geri satmağa çalışıblar.
Qeyd olunub ki, bir neçə məhbus bununla bağlı məhkəməyə şikayət edib. Ancaq onların şikayəti İranın Məhkəmə-Ədliyyə Sistemində qeydə alınmayıb. Məhkəmə işçiləri səbəb kimi Fərzadidən qorxduqlarını bildiriblər.
