یکشنبه , ژانویه 17 2021
azfa
تازه ها

پاکیستان پولونون اوزرینده تورکیه بایراغی

گادتب: پاکیستان ایسلام جومهوریتی‌نین هر زامان تورک دؤولت‌لری‌نین یانیندا اولدوغو هر کسه معلوم‌دور. بو صؤحبتده پاکیستان و تورکیه یاخینلیغی ایسه خوصوصیله قئید ائدیلمه‌لی‌دیر.

 بو، ایستر دؤولت‌لر، ایسترسه ده، خالق‌لار آراسیندا سیخ علاقه  ایله موشاهیده اولونور. بو یازیدا  پاکیستان و تورکیه موناسیبت‌لرینی داها دا سیخلاشدیران تصادوفی بیر حادیثه  اطرافیندا صؤحبت گئدیر.

 پاکیستانین پولو اوزه‌رینده حک اولونان تورکیه بایراغینین تاریخچه‌سی هارادان باشلاییر؟

 پاکیستانین میلّی پول واحیدی روپیه‌‌دیر. پاکیستان، ۱۹۸۸-جی ایلدن ایستیفاده ائتدیگی ۱۰۰۰ روپیه‌‌لیک اسکیناسیندا ۲۰۰۷-جی ایلده دییشیک‌لیک ائتمک قرارینا گلیب. ایلک واخت‌لار پولون اوزرینده پاکیستانین کئچمیش لیدری محمد علی جناح‌ین شکلی حک اولونموشدو. ۲۰۰۷-جی ایلده پاکیستان مرکزی بانکی پول اسکیناس‌لاری‌نین دیزاینیندا دَییشیک‌لیکله باغلی قرار وئریر. همین قراردا قئید اولونوردو کی، ۱۰۰۰ روپیه‌‌‌نین اوزرینده پاکیستان بایراغی دا حک اولونسون. آما بورادا تام تصادوف نتیجه‌سینده سونرادان تاریخه چئوریله‌جک بیر حادیثه  باش وئریر. پول‌لار حاضیرلانان زامان وئریلمیش دیزاین نتیجه سینده بایراغین رنگی یاشیل یوخ، قیرمیزی رنگه چالیر. بو دا تصادوف نتیجه‌سینده کاغیذلاری‌نین رنگ‌لری نین اوست-اوسته دوشمه سیندن سونرا آلینیر. ۲۰۰۷-جی ایلده پول واحیدی دؤورویه یه بوراخیلان زامان یئرلی ساکین‌لر بونا اعتیراض ائدیرلر. اونلار دوشونوردولر کی، پاکیستان مرکزی بانکی بایراغی تحریف ائدیب. یاشیل رنگ عوضینه، پول‌لاردا قیرمیزی رنگلی بایراق حک اولونوب. بو خبر بوتون پاکیستان مدیاسی‌نین اساس مؤوضوسونا چئوریلیر. یارانان ناراضی‌لیغا یالنیز پاکیستان رهبرلیگی نین گؤستریشی ایله پاکیستان مرکزی بانکی‌نین رهبری نین آچیقلاماسی ایله سونا چاتیر. او، یایدیغی رسمی آچیقلامادا دئییر کی، بو قارداش تورکیه نین بایراغی‌دیر.

  همین واخت ایجلاس‌لاردا ایشتیراک ائدن ناظیر طارق عظیم همین حادیثه‌نی بئله شرح ائدیب:

 “بعضی پول‌لارین شکلینی دَییشدیرمک ایسته‌ییردیک. نظرده توتولانلار ۵ مین و ۱۰۰۰ روپیه‌‌لر ایدی. یئنی فورمادا دیزاینی بیزه گتیردیلر. چوخ بگندیک. سونرادان پول‌لار دؤوریه‌یه بوراخیلاندا گؤزله‌نیلمه‌دن پاکیستان بایراغی‌نین رنگی عوضینه تورکیه بایراغی‌نین شکلی دوشدو. بو ایسه بعضی اینسان‌لارین ناراضی‌لیغینا سبب اولدو. بیز وضعیتدن چیخماق اوچون آچیقلاما وئردیک کی، تورکیه دؤولتینه سایغی کیمی تورکیه بایراغینی حک ائتمیشیک. بو وطنداش‌لارین شیکایت‌لری‌نین بیتمه‌سینه سبب اولدو. حتّی بیزه  ”  تورک بایراقلی یئنی پوللار ایسته‌ییریک ”  دئین‌لر ده اولدو. ( قایناق: حوریت قزئتی نین الکترون سایتی. ۲۸ نوامبر ۲۰۰۷-جی ایل)

خاطیرلاداق کی، پاکیستان ایسلام جومهوریتی آذربایجانا دا موناسیبتده هر زامان صمیمیتی ایله سئچیلیر. پاکیستان بو گونه کیمی ارمنیستانی موستقیل اؤلکه کیمی تانیمایان و اونونلا هئچ بیر ایقتیصادی علاقه‌سی اولمایان دؤولت‌دیر.

اؤیرنجی

دوباره امتحان کنید

ابراهیم ساوالان: نگاهی به وضعیت مزار ستارخان در دوره های مختلف

گادتب: حتی اگر کسی با پدرش همسو نباشد باز نمی‌تواند شاهد تحقیر او و توهین …

وزارت دادگستری آمریکا اعتراف کرد: ی.پ.گ زیرشاخه پ.ک.ک است

گادتب: به گزارش مرکز خبر گادتب، وزارت دادگستری آمریکا در گزارش مربوط به دستگیری یک …

دیدگاهتان را بنویسید