پنج‌شنبه , ژانویه 21 2021
azfa
تازه ها

گادتب باشقانی سایین اژدر تاغیزاده‌نین 21 آذر – آذربایجان میللی حکومتی‌نین تشکیلی‌نین ایلدؤنومو موناسیبتیله بیلدیریشی

گادتب: آذر آیینین 21-ی میللتیمیزین ایراده‌سیله یارادیلان میللی حکومتیمیزین قورولماسینین ایلدؤنومودور. میللی حکومتی قوران سید جعفر پیشه وری دئییردی “اؤلدو وار دؤندو یوخ‌دور”. آذربایجان میللی حکومتی‌نین هر طرفدن شووینیست و جینایتکار فارس رئژیمی و اونون حمایه‌چیلری‌نین تضییقی و هوجومو نتیجه‌سینده سقوطون‌دان سونرا آزربایجانین دوشمن‌لری بو سؤزو لاغا قویا‌راق، “اؤلدو ده وار ایمیش دؤندو ده” دئییردیلر. لاکین باشا دوشموردولر کی، پیشه وری بو سؤزو تکجه بیر دؤنم اوچون یوخ، بلکه بو گون اوچون ده دئییرمیش. بو گون بو حرکات داوام ائدیر و گؤرونور کی، آذربایجان تورک میللتی اؤز موستقیللیک سئوداسیندان دؤنمه‌ییب. بو گون آذربایجان تورک میللتی موستقیللیک اوغروندا مباریزه‌سینی داوام ائتدیریر.

21  آذر حرکاتی صینفی مباریزه یوخ، میللی حرکات ایدی. حرکاتین باشچی‌سی پیشه وری دفعه‌لرله تکرار ائدیردی کی، بو حرکات میللی حرکات‌دیر، صینفی حرکات دئییل. آذربایجان تورک‌لری بیر-بیرینه قارشی مجادیله آپارمیرلار. بلکه فارس شووینیزمینه قارشی مباریز آپاریب، آذربایجان تورکجه‌سینده مکتب، اونیوئرسیتئت، مطبوعات و رادیونون آچیلماسینا چالیشیرلار و بونو دا ائتمیشدیلر.

21  آذر حرکاتی ایله گونئی آذربایجانا یئنی روح گلدی. آزاد مطبوعات، فیکیر آزادلیغی و عمومیتله آذربایجانا آزادلیق گلدی. بو دا ایرقچی و ایرتیجا‌چی فارس شووینیزمینی، ائله‌جه ده اونلاری دستکله‌ییب حاکمیته گتیرن باشدا اینگیلتره اولماقلا دونیا موستملکه‌چی‌لرینی قورخویا سالدی. بئله کی، دونیا موستملکه‌چیلری موسکوا کونفرانسیندا آزربایجانین موختاریت قازانماسینا بئله ایجازه وئرمه‌دیلر. بونون آردیندان ایسه تئهران رئژیمی بوتون آنلاشما‌لارا رغماً آذربایجانا هوجوما کئچیب، آذربایجان تورک‌لرینه قارشی دهشتلی سویقیریم تؤرتدی.

پیشه وری باشچی‌لیغی ایله 21 آذر حرکاتی ایران آدلانان یئرده دئموکراتیا، فئدئرالیزم و پارلامئنتاریزمین سونونجو تشببوسو ایدی. تئهرانین ایرتیجا‌چی فارس رئژیمی و اونون حمایه‌دارلاری گؤستردیلر کی، بو بؤلگه‌ده و قوندارما ایران آدی آلتیندا اولان اراضیده آذربایجان تورک میللتینه هئچ زامان اؤز مدنی و اینسانی حقوق‌لارینا چاتماغا ایجازه وئرمه‌یه‌جک‌لر. آذربایجان اسارتده اولدوغو آنادک پیشه وری دئمیشکن “تئهران آباد اولا‌جاق، آذربایجان برباد اولا‌جاق”. پیشه وری دئییردی کی، اگر بیز ایستک‌لریمیزه نایل اولماساق تئهرانلا ویدالاشاجاغیق.

21  آذر حرکاتینین باشلانغیجی و فاجیعه وی سونو گؤستردی کی، آذربایجان میللتی یالنیز اؤزونه گوونمه‌لی‌دیر. میللت اؤزونه گوونیب، ایراده‌سینی سرگیله‌سه هئچ بیر ایمپئریانین حمایه‌سینه ده مؤحتاج اولماز. بیز اؤز میللتیمیزه گوونمه لیگیک. بیزیم لیدئرلریمیز محمد امین رسول‌زاده، پیشه وری، ابوالفضل ائلچیبی و آتاتورک ده گؤستردی کی، گوج تورک میللتینده‌دیر. آذربایجاندا دا آذربایجان تورک میللتی ایراده ائدنده اؤز مجلیسینی، اؤز دؤولتینی و اؤز اوردوسونو یارا‌دیر. سرحدلرینه، سینیرلارینا اؤزو صاحب چیخیر. بو گون 21 آذر حرکاتینین عنعنه‌سینه دایانا‌راق، آزربایجانین گونئیی‌نین تکجه بیر یولو قالیب. او دا اؤز ایستیقلالینی الده ائدیب و آزربایجانین موستقیل دؤولتی‌نین یاراتماق‌دیر. بو حرکاتین بیزه تکجه بیر مئساژی وار. او دا فارسا، فارس شووینیزمینه اینانما‌دان یالنیز اؤز گوجونوزه دایانیب آذربایجانی آزاد ائتمک. بیر سؤزله پیشه وری دئمیشکن بو میللته موستقیل‌لیگینی الده ائدنه دک نه اؤلدو وار نه دؤندو.

گونئی آذربایجان دئموکراتیک تورک بیرلیگی (گادتب) اولا‌راق تاریخین گئدیشاتیندان الده ائدیلن نتیجه ایله بیلدیریر کی، گونئی آزربایجانین یالنیز اؤز ایستیقلا‌لی ایله بوتون میللی حقوقلارینی الده ائده و بوتون پروبلئم‌لرین‌دن قورتارا بیلر. گونئی آزربایجانین یئگانه قورتولوش یولو ایستیقلال‌دیر.

اژدر تاغی‌زاده

گونئی آذربایجان دئموکراتیک تورک بیرلیگی (گادتب) باشقانی

دوباره امتحان کنید

گادتب باشقانی سایین اژدر تاغیزاده‌نین ای ان.ت کانالینا “20 یانوارین 31-جی ایلدؤنومو” موضوعسوندا چیخیشی -ویدئو

گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) باشقانی سایین …

آوسترالیا-آذربایجان آسوساسیاسی و گادتب-نین تشکیلاتچیلیغی ایله سیدنئی ده 20 یانوار شهیدلری آنیلدی-ویدئو

گادتب-نین مطبوعات مرکزینه داخیل اولان معلوماتا گؤره، 2021-جی ایل یانوار آیینین 20-ده آوسترالیا-آذربایجان آسوساسیاسی و …

دیدگاهتان را بنویسید