گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) و گونئی آذربایجان ایستیقلالچیلار بیرلیگی (گایب) باشقانی سایین اژدر تاغیزاده 8 مارت بین الخالق قادینلار گونو موناسیبتیله گونئی آذربایجان و تورک دونیاسینین خانیملارینا تبریک مکتوبو عنوانلاییب.
سایین اژدر تاغیزادهنین تبریک مئساژینین بیر حیسهسینده دئییلیر:
گونئی آذربایجان و تورک دونیاسینین حؤرمتلی خانیملاری!
سیزی 8 مارت بین الخالق قادینلار گونو موناسیبتی ایله اورکدن تبریک ائدیر، هامینیزا جان ساغلیغی، عاییله سعادتی و اوغورلار آرزولاییرام.
گونئی آذربایجان دا داخیل اولماقلا بوتؤو آذربایجان و تورک دونیاسیندا قادینین چوخ مقدس یئری واردیر. تورک جمعیتینده قادین هر زامان برابرحوقوقلو شخصیت کیمی قبول ائدیلیب، بونون عکسی هئچ واخت دوشونولمهییب و عملده ده قادینا همیشه یوکسک دگر وئریلیب. آذربایجان تورک میللتی ده دایم قادینا یوکسک دگر وئرمیش و بو گون ده گونئی آذربایجاندا تورک خانیمی تورک کیشیسی ایله بیرلیکده اؤز میللتینین آزادلیغی اوغروندا مباریزه آپاریر. ایران آدلانان دؤولت ان عادی حقوقلاری بئله محدودلاشدیریلمیش تورک قادینی اوچون اصل زیندان رولونو اویناییر. لاکین تورک قادینی بو حاقسیزلیغا قارشی عزمله مبارزه آپارماقدادیر. بوتون تورک قادینلارینین، او جملهدن آذربایجان خانیملارینین و ایشغالچی ایران اسارتینه قارشی وطنیمیزین مستقیللیگی اوغروندا مبارزه آپاران بوتون خانیملاریمیزین بین الخالق قادینلار گونو قوتلو اولسون.
اژدر تاغیزاده
گونئی آذربایجان دئموکراتیک تورک بیرلیگی باشقانی