ادتاج اتحادیه دمکراتیک ترک آذربایجان جنوبی
گادتب: ايشغالچي فارس رئژيمينين داغيديجي سياستي و دونيا سوييهسينده تئررورو دستکلهمه سي اقتيصادي چؤکوشه و دؤزولمز اقتيصادي-سوسيال وضعيتين يارانماسينا گتيريب چيخاريب. گونئي آذربايجاندا ايسه ايشغالچي فارس رئژيمين بير طرفدن موستملکه سياستي یئریتمه سی، ديگر طرفدن ايسه چاپيب-تالاديغي ثروتلري دونيادا تئررورون ماليه لشمهسينه خرجلهمهسي اولدوقجا دؤزولمز وضعيته سبب اولموشدور. رئژيمين داغيديجي سياستي نتيجهسينده داياقلاري لاخلامیشدیر. بئله بير واختدا، بازارين اعتيراض و تعطیللره باشلاماسي رئژيمين چؤکوشونو تئزلشديرن عاميل کيمي بؤيوک اؤنم داشيماقدادير.
بو گون گونئي آذربايجانين باش کندي تبريز باشدا اولماقلا، اورمو، قوشاچاي، موغان، زنجان، قزوين، ابهر و سایر آذربايجان شهرلرينين بازاري تعطیله و اعتيراضا باشلاميشدير. عيرقچي فارس رئژيمين سببکار اولدوغو باهاليق، يوخسوللوق، سوسيال-اقتيصادي گئريلهمه، غئيري-ثابيت اقتيصادي وضعيت و رئژيمين آذربايجانا تطبيق ائتديگي يوکسک وئرگي گونئي آذربايجان بازاريندا داها گئنيش اعتيراض و تعطیللرينه بهانه اولموشدور.
بو گون گونئي آذربايجانلا ياناشي ديگر غئيري-فارس ميلتلرين، ائله جه ده رئژيمين داغيديجي سياستيندن بئزن فارس شهرلرينده ده بازار اعتيراض و تعطیله باشلاميشدير. يوک ماشيني سوروجولرينين اعتيراض و تعطیللرينين داوام ائتمهسي، اونون آردينجا بازارلارين تعطیله قوشولماسي ايرتيجاعچي رئژيمين بوخوووندان قورتارماغا يئني اوميد ياراتميشدير.
گونئي آذربايجان دئموکراتيک تورک بيرليگي (گادتب) گونئي آذربايجانين و باشقا شهرلرين بازارلارينين اعتيراض و تعطیليني تام دستکلهيير و بو تعطیللرين داوام ائتمهسينين ديکتاتور فارس-موللا رئژيمينين چؤکوشونو تئزلشديرن عاميل کيمي ائففئکتيو اولدوغونا اينانير.
گونئي آذربايجان دئموکراتيک تورک بيرليگي (گادتب)
