ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، بو گون مارت آیینین ۲۳-ده آوسترالییا آذربایجان آسوسیاسییاسی و گونئی آذربایجان دئموکراتیک تورک بیرلیگینین (گادتب) تشکیلات‌چی‌لیغی ایله آوسترالییانین سیدنئی شهرین‌ده محتشم نووروز-یاز بایرامی شن‌لیگی کئچیریلیب.
گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکاییل بی اویتا و گونئی آذربایجان دئموکراتیک تورک بیرلیگی (گادتب) قادین و اینسان حاقلاری دئپارتامئنتینین صدری سایین سارا خانیم آذرسون طرفین‌دن مراسیم بؤیوک جوشقو ایله کئچیریلیب.
نووروز-یاز بایرامی شنلیگینه قوزئی و گونئی آذربایجان‌دان، توکیه، قوزئی قیبریس، تاتاریستان و سایر تورک دونیاسی اؤلکه‌لرین‌دن اولان قوناقلار دعوت ائدیلیب و ایشتیراک ائدیبلر. عینی زامان‌دا آوسترالییا معاریف مکتبینین کئچمیش دیرئکتورو سایین دؤکتور نجیم اوزون، کوزئی کیپریس‌دان گلن آذربایجان‌دان اؤدول آلمیش صنعت‌چی سایین عبدالله اؤز توپراک و سایر قوناقلار همین نووروز بایرامی مراسیمینه قاتیلیبلار.
نووروز مراسمینه گؤره یئنی گونئی اوئلزین (NSW) مولتیکولتورال ناظری آوسترالییا آذربایجان آسوسیاسییاسینی تبریک ائدیب، خوش آرزولارینی چاتدیریب.
تدبیردن شکیل و ویدئولاری تقدیم ائدیریک:
