ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، بو گون قوزئی قیبریس تورک جمهوریتینین جمهورباشقانی سایین ارسین تاتار و اونونلا بیرلیک‌ده سیدنئیه سفر ائد‌ن هئیتین گؤروشلری داوام ائدیب.
گونئی آذربایجان دئموکراتیک تورک بیرلیگی (گادتب) بئینلخالق علاقه‌لر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکاییل اویتا و گونئی آذربایجان دئموکراتیک تورک بیرلیگی (گادتب) قادین و اینسان حاقلاری دئپارتامئنتینین صدری سایین سارا خانیم آذرسون دا گؤروشلرده سایین ارسین تاتار و قیبریس هئیتینی موشایعت ائدیبلر.
جمهورباشقانی سایین ارسین تاتار و یاردیمجیلاری سایین پروفسور دؤکتور حسئیین، اولوسلاراراسی ایلیشکیلر و دیپلوماسی هئیتی اویه‌سی و سایین کرم هاسئر دیش باسین سوروم‌لوسو ۲۵ مای صاباح ساعت ۱۰.۴۵ آتاتورکون بوستونه چلنگ قویوب و بوتون شهیدلریمیزی و گالیپولی ساواشین‌دا هلاک اولانلارا سایغی دوردوق.
اوندان سونرا گئلیپولی تورک ائوی (باکیم ائوی) زیارت ائدیلدی.
داها سونرا تورک ائوین‌ده توپلانتی و چیخیشلار اولدو. عینی زامان‌دا آوبورن جامی‌سی زیارت ائدیلدی.
آوسترالییا قیبریس تورک درنه یین‌ده توپلانتی کئچیریل‌دی و چیخیشلار اولدو.
موسیاد (موستقیل ساناییجی و ایش آداملاری درنه یی) و دتیک (دونیا تورک ایش کونسئیی) زیارت ائدیلدی. اوردا چوخ‌لو صمیمی صحبئتلر اولدو و بیزیم چیخیشلاریمیزین توپلانتی‌دا ایشتیراک ائد‌نلرده خوش تاثرات یاراتدی.
سون بو گون تورکیه‌نین باش کونسولونون ائوین‌ده اؤزل توپلانتی، ضیافت و چیخیشلار اولدو.
گؤروشلردن ویدئو و شکیللری تقدیم ائدیریک:
