ادتاج اتحادیه دمکراتیک ترک آذربایجان جنوبی
گادتب: قازاخ خالق قهرمانلیق داستانی «کوبلاندی-باتیر»، باش قهرمان کوبلاندینین و اونون سیلاحداشلارینین یاد ائللی ایشغالچیلارا قارشی موباریزهسینی عکس ائتدیرن ماراقلی آبیدهدیر. بو داستان قازاخلارین ائتنیک-ملی دوشونجهسی، پسیخولوژیسی، کؤچری حیاتینین منظرهلری، عایله-معیشت جیزگیلری و س. رنگارنگلییی ایله تصویر اولونموشدور.
مضمون اعتباری ایله ۱۰-۸-جو عصرلری ایحاطه ائدن بو داستانین موختلیف واریانتلاردا حجمی، آلتی مین سطیردن دوققوز مین سطیره قدردیر. آنجاق آذربایجان اوخوجوسونا ایلک دفعه تقدیم اولونان ترجومه (نظامی محمد اوو)، یئددی مین سطیردن عبارتدیر.
دیگر تورک و دونیا خالقلارینین حیماسی پوئمالاریندا اولدوغو کیمی «کوبلاندی-باتیر»ین حرکت خطینین دیققت چکن باشلیجا دویونو هئچ ده قهرمانین اؤزونون فردی ماراقلاری ایله یوخ، اونون ایجتیماعی بورجو ایله باغلیدیر. چونکی دوشمنلر قیپچاق تورپاقلارینا حملهلر و هوجوملار ائتدیکده کوبلاندی اونلارا قارشی آمانسیز موباریزه آپارماقلا، اؤز دوغما وطنین بوتؤولویونو، خالقین امین-آمانلیقدا یاشاماسینی هر شئیدن اوستون توتور.
کوبلاندی باتیر(قازاخ خالق قهرمانلیق داستانی) اثرینی ۲۰۱۷-جی ایلده نظامی محمد اوو آذربایجان تورکجهسینه چئویرمیشدیر. همن اثری بیز ده بو ایل کؤچوروب، آذر توران نشریاتی واسیطهسی ایله تبریزده چاپ ائتدیک.
ا.ی: کوبلان، پلنگ معنیسینده اولان کابلان، کاپلان، قاپلان و قافلان کلمهلرینین دهییشیلمیش فورمودور. مییانادا بو آددا بیر کند واردیر. همن کند قافلانتی سیرا داغلاری ایله یاناشی اولدوغو اوچون، آدینی دا اورالاردان آلمیشدیر(سیمینفر، ۱۳۸۷).
